ياريتك تجي

موضوع: ياريتك تجي الأربعاء يونيو 06, 2012 8:22 am

ياريتك تجي00
((كلمات بها حزن ووجد00لواحدة غادرها الحبيب ولم يعد00وفي ليلة ظلماء00هاج بها الشوق بعد أن تذكرته00فتحدثت بلسان حالها مخاطبة إيّاه00)) قالت:
ظلمه00وليل00وانته بْعيد عن عيني00
وانا وْحيدي وظلام الليل سامرني000
وحشه الدنيا والبيت ويمرني الطيف00
طيفك جن هوه عذيبي الفجر مرني000
غبت عنّي00وليالي فراكك المرّه00
تدولبني00وترد ليّه وتجرجرني000
واظل سهران00حسبه مجلّبه بحسبه00
ومن كثر السهر ليلي يدمّرني000
يليل ارجوك00والتمسك00دهوّن عاد00
خلص كلبي يليل مروتك ارحمني000
واحاجي بصورتك00أوصف عذاب الروح00
واكابل بيهه وجهك حيل يقهرني000
واتذكّر سواليفك واظل مشتاك00
وانطر ليلي طيفك هلبت يمرني000
ويدكّ الباب فجري00ها صباحك لاح00
ولا مر طيفك وزار وسأل عنّي000
يطيف ارجوك00هم انته زعلْت وْياي ؟؟
يطيف مروّتك كلّي شْبدر منّي ؟؟؟
يجاوبني بقهر00حسراته تمله الكون00
منّك ما بدر00أرجوك تفهمني000
@
@
@
يا ريتك تجي00يا ولفي حتى ارتاح00
تدري00بجيّتك يا غالي تسعدني000
يا ريتك تجي00وتمحي ظلام الليل00
جلجل فوك صدري وما ظن يفكني000
يا ريتك تجي00حتى ولو خطّار00
خاف آني أموت وما تواجهني000
واظل مشتاك00وبلحدي أفكّر بيك00
وتراب الكبر عنّك يبعّدني000
يا ريتك تجي00واشبع بطولك شوف00
هم لو بالخيال ولحظه تحضنّي000
ولو هيهات يجمعنه الوكت يفلان(رمز لأسم الحبيب)00
أظن مسرع عليّه الموت يدركني000
يا ريتك تجيني يا بعدهه الروح00
تغطّيني واشوفك من تودّعني

حلووووووو مصطفى